Зошто топлинските пумпи се иднината во греењето!!!
Трошоците за греење и ладење во домот претставуваат важен сегмент во семејниот буџет. Планирајќи го начинот на кој ќе се грееме и ладиме, секогаш ги проценуваме трошоците за купување и инсталирање на системот, трошоците за енергенси на ниво на месец или сезона.
Македонците, како народ, вообичаено сакаат домот да им биде многу топол. Со печките на дрва и пелети го загреваат домот на 25-30 степени па потоа отвораат прозорци и со тоа енергетската ефикасност излегла низ прозорецот.
Како функционира?
Топлинската пумпа со користење на техничките достигнувања и законите што важат во природата, топлината од надвор со мала потрошувачка на енергија ја покачува на повиско ниво во внатрешноста. Постарите и поевтините модели трошат еден киловат час електрична енергија, а внатре во просторијата има загревање од минимум два.
Поновите топлински пумпи нормално е да даваат најмалку три, а во некои случаи четири до пет киловати енергија. Тоа практично значи да се плаќа еден киловат час електрична енергија, а да се добива четири или повеќе киловати за разлика од обичните греалки.
